Əraqçı: "Biz Suriya hökumətini və xalqını dəstəkləməyə davam edirik"
İran XİN-i Doha səfərində jurnalistlərə açıqlama verib. Nazir türkiyəli həmkarı və Qətər əmiri ilə nisbətən geniş söhbət etdiyini, Suriyada baş verən proseslərlə əlaqədar ölkənin ərazi bütövlüyünə və suverenliyinin təmini üçün məsləhətləşmələr apardığını qeyd edib.
"Danışıqlarda regionda istənilən nəticələrin qarşısını almaq üçün qərar qəbul etmək lazımdır. Hazırda isə, elə bir mərhələdəyik ki, hamı fikir mübadiləsi aparır, məsləhətləşir, bu haqda müzakirələr gedir və bu məslədə qərar vermək hələ tezdir.
Proseslər və dəyişikliklər çox sürətlə baş verir. Vəziyyət çox dəyişkəndir və biz Suriya hökumətini və xalqını dəstəkləməyə davam edirik.İndi bu, bizim rol oynamalı olduğumuz siyasi bir manevrdir və bununla bağlı məsləhətləşmələr aparırıq"-deyə Əraqçı vurğulayıb
