Armen Qriqoryan İran Prezidenti ilə görüşüb
İran İslam Respublikası prezidenti Ermənistan Təhlükəsizlik Şurasının katibi ilə görüşdə İranın Qafqaz regionunda baş verən son hadisələrlə bağlı narahatlığının müəyyən qədər azaldığını bəyan edərək, deyib: "Biz elə hərəkət etməliyik ki, heç bir xarici qüvvə ölkələrimiz arasındakı dostluq və strateji münasibətlərə xələl gətirə bilməsin”.
Məsud Pezeşkian bu görüşdə Şimal-Cənub Dəhlizinin həyata keçirilməsi prosesindən və Ermənistan hakimiyyətinin bu məsələyə xüsusi diqqət yetirməsindən məmnunluğunu ifadə edərək, bu layihənin başa çatdırılmasını Avrasiya İttifaqına üzv ölkələr arasında iqtisadi və hətta siyasi inteqrasiyanın gücləndirilməsi istiqamətində mühüm addım hesab edib.
O, Ermənistana olan son səfərinin müsbət nəticələrinə toxunaraq, qeyd edib ki, İran və Ermənistan arasında ikitərəfli sazişlərin, xüsusilə də nəqliyyat sahəsində əldə olunan razılaşmaların icrasının sürətləndirilməsi bu səfərin ən mühüm nailiyyətlərindən və Ermənistanın yüksək vəzifəli rəsmiləri ilə məsləhətləşmələrin ən görkəmli nəticələrindən biridir.
Ermənistan Milli Təhlükəsizlik Şurasının katibi Armen Qriqoryan da öz növbəsində İran-Ermənistan münasibətlərinin strateji xarakter daşıdığını vurğulayıb və və İrəvanın bu əlaqələrə dair hərtərəfli strateji əməkdaşlıq sənədini imzalamağa hazır olduğunu bəyan edib.
