SAHAR

İran Silahlı Qüvvələrinin Baş Qərargah rəisi, Ermənistan Təhlükəsizlik Şurasının katibi ilə görüşündə deyib: ABŞ da daxil olmaqla, regiondankənar güclərin mövcudluğu Qafqaz regionu üçün narahatlıq yaradır.

İranlı həmkarının dəvəti ilə Tehranı səfər edən Ermənistan Təhlükəsizlik Şurasının katibi Armen Qriqoryan İran Silahlı Qüvvələrinin Baş Qərargahında olaraq, general-mayor Seyid Əbdülrəhim Musəvi ilə görüşüb və danışıqlar aparıb. 

General Musəvi, görüşdə iki ölkə arasındakı tarixi və mədəni ortaqlıqlara işarə edərək, Ermənistan və Azərbaycan arasında imzalanan sülh sazişinin bölgədə sülh və təhlükəsizlik yaradacağını vurğulayıb.

O, əlavə edib: Bu tendensiyalar İran İslam Respublikası tərəfindən həmişə müsbət qarşılanir, lakin trans-regional güclərin, o cümlədən ABŞ-ın mövcudluğu region ölkələri üçün narahatlıq doğurur.

İran Silahlı Qüvvələrinin Baş Qərargah rəisi əlavə edib: “Tarixi faktlar iki ölkə arasında dostluq və qarşılıqlı mehribanlığın hakim olduğunu təsdiq etdiyi kimi, ABŞ-ın regiondakı mənfi rolunu da təsdiqləyir və bu narahatlıqların aradan qaldırılması üçün lazımi mexanizmin yaradılması zəruridir”.

Ermənistan Milli Təhlükəsizlik Şurasının katibi də iki ölkə arasında münasibətlərin və əməkdaşlığın artdığını və bu əlaqələrin əsaslarının möhkəmləndirilməsi və təhlükəsizlik sahəsində əməkdaşlığın inkişaf etdirilməsinin vacibliyini vurğulayıb.