Həzrət Əli Əkbər(ə)-ın mövlud günü mübarək!
-
Həzrət Əli Əkbər(ə)-ın mövlud günü mübarək!
Bu gün, şəban ayının on biri, dünya şiələrinin üçüncü imamı, İmam Hüseyn(ə)-ın övladı- Həzrət Əli Əkbər(ə)-ın mövlud günüdür.
Həzrət Əli Əkbər(ə) 33-cü hicri qəməri ili şəban ayının on birində Mədinə şəhərində dünyaya gəlib.
Atası- dünya şiələrinin üçüncü imamı, İmam Hüseyn(ə), anası isə, Leyla binti Əbi Murrədir.
İmam Hüseyn(ə), Həzrət Əli Əkbər(ə)-ı xilqət və yaranışda, əxlaqi və ruhi xüsusiyyətlərdə, danışıq və ictimai ənənələrdə Rəsuli-Əkrəm(s.ə.s)-ə daha çox bənzəyən bir şəxs kimi təqdim edirdi.
Həzrət Əli Əkbər(ə) 61-ci hicri qəməri ili məhərrəm ayının onunda baş vermiş Aşura hadisəsində möhtərəm atası və o həzrətin vəfalı köməkçiləri ilə yanaşı, şəhid oldu və Kərbəlada, İmam Hüseyn(ə)-ın kənarında dəfn edildi.
İran İslam Respublikası təqvimində Həzrət Əli Əkbər(ə)-ın mövlud günü, "gənclər günü" adlandırılıbdır.
İran İslam Respublikasının TeleRadio Təşkilatı Həzrət Əli Əkbər(ə)-ın mövlud gününün ildönümü münasibətilə bütün dünya müsəlmanlarını, xüsusən şiələri təbrik edir.
