Böyük təqlid mərcəyi olan Ayətullah Nuri Həmədani deyib: Şübhəsiz bu gün Ərəbistan zalımdır və Yəmənin məzlum xalqına qarşı aşkar təcavüz edir; hamı ilə yumşaq davranmaq Quran və İslama ziddir.

Beynəlxalq Səhər Kanalının məlumatına görə, Ayətullah Nuri Həmədani bu gün çərşənbə Sepah-ın bəzi komandanlarıilə görüşdə Ərəbistan və Qətərin neft pullarının terror qruplaşmalarının formalaşdırılmasına xərcləndiyini bildirib və deyib: Bu işdə məqsəd sionist rejimin təhlükəsizliyini təmin və Qərbin maraqlarına xidmət etməkdir.
Ayətullah Nuri Həmədani müsəlmanların iki əsas mərkəzinin yəni, Məkkə və əl-Əqsa Məscidinin Ali-Səud və sionistlərin ixtiyarında olduğunu deyərək, əlavə edib: təkfirçilər, vəhhabilər və sionistlər müsəlmanların qanını mübah hesab edirlər və müsəlmanları xüsusilə də şiələri qırmaq niyyətindədirlər. Belə bir şəraitdə biz oturub, tamaşa etməliyik? Ayətullah Nuri Həmədani həmçinin deyib: Quran İslam ilə düşmən olanlarla düşmən olmağımızı istəyir.