SAHAR

İran İslam Respublikasının prezidenti İranın altılıq qrupu ilə nüvə müzakirələri barədə deyib: Allaha şükr edirəm ki, seçkilər zamanı nüvə probleminin həlli haqda xalqa verdiyim vəd reallaşıbdır.

IRNA-nın məlumatına görə, Həsən Ruhani dünən gecə qadınlar və ailə dairəsinin qurumları və fəalları ilə iftar ziyafətində İranın nüvə müzakirə komandasının ötən iki ildəki yorulmaz səylərini yüksək qiymətləndirərək, söyləyib: Xoşbəxtlikdən, İranın dövləti, xalqı və nüvə müzakirəçiləri bu müzakirələrlə bağlı vəzifələrini yaxşı şəkildə yerinə yetirdilər.
Ruhani həmçinin nüvə müzakirələrinin uzun yolunun keçilməsində xalqın və Böyük İnqilab Rəhbərinin dəstəklərini yüksək dəyərləndirərək, deyib: Hal-hazırda zirvəyə çox yaxınıq, lakin hələ bu zirvəyə çatmaq üçün bir neçə addım qalır. Amma inşaallah, iranlı müzakirəçilər bu çətin və mürəkkəb yolda qalib gələcəklər.
İran prezidenti çıxışının digər bir hissəsində cəmiyyətdə qadınların istedad və qabiliyyətlərinə diqqət və onlardan bəhrələnmənin vacibliyini vurğulayaraq, deyib: Bəzi cüzi bəhanələrə görə, cəmiyyət ziyalı qadınların istedad və qabiliyyətlərindən bəhrəsiz qalmamalıdır.
Ruhani habelə cəmiyyətdə qadınlar üçün siyasi və ictimai məsələlərdə bərabər fürsətlərin yaradılması zərurətinə təkid edərək, söyləyib: Ölkədə fürsətlərin bərabərliyi səmtinə doğru getməyə səy göstərməliyik.