SAHAR

İranın müdafiə naziri deyib: İran İslam Respublikası heç bir tərəfə öz hərbi və təhlükəsizlik sirlərinə giriş icazəsi verməyəcək.

İSNA xəbər agentliynin məlumatına görə, İranın müdafiə naziri general-mayor Hüseyn Dehqan bu gün, bazar ertəsi Müdafiə Nazirliyinin müdirləri və kadrları qarşısında, İran və 5+1 qrupu arasında əldə olunmuş anlaşma barədə deyib: Bu anlaşma İran xalqının müqaviməti və şücaəti, İslam İnqilabının Böyük Rəhbərinin müdrikliyi və müzakirə arapan heyətin qətiyyətliliyinin nəticəsidir. Bu anlaşma böyük qüdrətlərin İranın izzət ilə yanaşı olan mövqeyini qəbul etməsi idi.
General-mayor Hüseyn Dehqan İran və 5+1 qrupu arasındakı müzakirələrin sırf nüvə məsələsi barəsində olduğunu vurğulayaraq, əlavə edib: İranın müdafiə doktrinasında tanınmamış silahlara yer yoxdur. Bu kimi silahların istehsalı, saxlanılması və istifadəsini şəri baxımdan haram hesab edir.
İranın müdafiə naziri həmçinin deyib: Raketlərlə bağlı məsələlər də heç vaxt nüvə müzakirələrinin gündəmində durmayıb və ya müzakirələrin bir hissəsi olmayıb. Və quruluş bu sahədə öz proqramlarını tam qətiyyətlə icra etməkdədir.
General-mayor Dehqan əlavə edib: Bu gün İran xalqının nüvə silahlarının istehsalı sahəsinə daxil olmayacağı üzrə siyasi iradəsi artıq dünya ictimaiyyəti üçün sübut olunub.
İranın müdafiə naziri əlavə edib: Nüvə silahlarının məhv edilməsi prosesi regional və beynəlxalq səviyyədə və NPT əsasında izlənilməlidir və bu məsələ ABŞ başda olmaqla dünyanın başlıca prioriteti olmalıdır.