İran İslam Respublikası prezidenti BMT Təhlükəsizlik Şurasının İran və 5+1 qrupu arasındakı nüvə müzakirələri ilə bağlı qətnaməsinə münasibət bildirərəkən deyib: Bu qətnamə çox nadir, bəlkə də misilsiz bir hadisə olaraq, ölkə tarixində, tarixi bir gün kimi yadda qalacaq.

İRİB-nin məlumatına görə, İran prezidenti Həsən Ruhani bu gün Nazirlər Kabinetinin iclasında BMT TŞ-nin 2231 saylı qətnaməsi barədə deyib: Bu nüvə anlaşması heç bir tərəfin zərərinə deyil.
Həsən Ruhani daha sonra xatırladıb: Bu gün İran BMT nizamnamasinin 7-ci bəndindən xaric olmuş olub və bu böyük bir uğurdur.
Cənab Ruhani İranın ölkələrin daxili işlərinə müdaxiləni məqbul hesab etmədiyini bildirərək, deyib: Əlbəttə, biz həmişə bildirmişik ki, məzlumları müdafiə edir və öz potensiallarımızdan terrorizm ilə mübarizədə istifadə edirik. Çünki, terrorizmi region və dünya üçün təhlükəli hesab edirik.