İran prezidenti Həsən Ruhani on üç abanı İslam İnqilabı qələbəsi prosesində formalaşdırıcı və təsiredici adlandırıb və deyib ki, on üç aban İranın istiqlaliyyəti və zalım qüvvələrlə mübarizənin mənbəyidir.

IRIB-nin məlumatına görə, çərşənbə axşamı günü gecə Ali Mədəniyyət İnqilabının iclasında çıxış edən Ruhani əlavə edib: On üç aban əslində İranın tarixi prosesində dəyişikliklər mənbəyidir ki, İranın istiqlaliyyəti və İslam İnqilabının zalım qüvvələrlə mübarizəsinin əsaslarını formalaşdırdı.
İranın Ali Mədəniyyət İnqilabı Şurasının sədri, Həzrət İmam Xomeyni(r.ə)-in günəş təqvimi ilə 1343-cü il aban ayının on üçündə sürgün edilməsinin inqilab hərəkatının birinci, həmin təqvimlə 1357-ci il abanın on üçündə çoxlu sayda İran gəncinin müstəbid şah rejimi tərəfindən qırğın olunmasının ikinci dövrü olmasına toxunaraq, deyib: Məktəbli və tələbələr hadisələr və İslam İnqilabının nailiyyətlərinin qorunması gedişində, xüsusən müqəddəs müdafiə dövründə təyinedici rola malik olublar.
13 aban, başqa sözlə, 1979-cu il noyabrın dördü Amerikanın Tehrandakı casusluq yuvasının İmam(r.ə)-in yolunun davamçısı olan tələbələr vasitəsilə ələ keçirilməsi və dünyanın zalım qüvvələri ilə mübarizə günüdür.