İran İslam Şurası Məclisinin 10-cu dövr seçkilərinə könüllülərin qeydiyyatı başlanıb.

Səhər Beynəlxalq Televiziyasının məlumatına görə, İslam Şurası Məclisinin 10-cu dövr nümayəndəliyinə könüllülərin qeydiyyatı 25 dekabra qədər davam edəcək.

İran Daxili İşlər Nazirliyinin Seçki Qərargahının katibi Əlipur Mütləqin sözlərinə görə, İslam Şurası Məclisinin 10-cu dövr seçkilərinin icraiyyə heyətləri 207 əsas və 856 yerli məntəqədə öz fəaliyyətlərinə bu gündən başlayıblar.

İran İslam Şurası Məclisinin 10-cu dövr seçkiləri 2016-cı il 26 fevralda Rəhbərlik Xobrəqan Məclisinin 5-ci dövr seçkiləri ilə eyni vaxtda keçiriləcək.

Rəhbərlik Xobrəqan Məclisinin 5-ci dövr seçkilərinə könüllülərin qeydiyyatı da 17 dekabrdan başlanıb və 23 dekabra qədər davam edəcək.