İran İslam Respublikası prezidenti Həsən Ruhani xalqın seçkilərdə yüksək səviyyədə iştirak etməsini və seçkilərin sağlam və şəffaf atmosferə malik olmasını alqışlayaraq, deyib: Xalqın seçkilərdə agahcasına və yüksək səviyyədə iştirak etməsi ölkəmizin ictimai sərvəti və qüdrətini ortaya qoymuş oldu.

İRİB-nin verdiyi məlumata görə, Həsən Ruhani çərşənbə axşamı Mədəni İnqilab Ali Şurasının iclasında ötən 37 ildə davamlı olaraq seçkilərin keçirilməsinə işarə edib və deyib: Regionun gərginlik və böhran burulğanında olduğu bir zamanda İranda keçirilən seçkilərin tam təhlükəsiz bir atmosferə malik olması İranın təhlükəsizlik qüvvələrinin nə dərəcədə bacarıqlı olduqlarını da nümayiş etdirmiş oldu.

H.Ruhani daha sonra Negəhban Şurasının üzvləri, Daxili İşlər Nazirliyinin əməkdaşları, seçkilərə nəzarət edən nümayəndələrə, icraedici orqanların əməkdaşlarına, nizam intizam qüvvələrinə həmçinin, müxtəlif siyasi və ictimai qruplara və media təmsilçilərinə də seçkilərin sağlam, demokratik, şəffaf və əzəmətli formada keçirilməsindəki rollarına görə təşəkkür edib.