SAHAR

İranın ən yeni nüvə nailiyyətləri ölkə prezidenti Həsən Ruhaninin iştirakı ilə milli nüvə texnologiyası günündə təqdim olunaraq, istifadəyə verilibdir.

Qəzvin vilayətində Rodotron sürətləndiricisindən istifadə ilə İndustrial Şüalanma Mərkəzinin işə salınması, Əlborz vilayətində FDG radio-dərmanlar istehsalı mehvərilə PET Radio-Dərmanlar İstehsalı Mərkəzinin istifadəyə verilməsi və Yəzd vilayətində ilk Uran Filizi Konsentrasiyası Zavodunun işə salınması İran prezidenti Həsən Ruhaninin video-konfrans vasitəsilə verdiyi göstəriş ilə həyata keçirilib.

Aprelin 9-u, İranın nüvə alimlərinin iftixarlı səyləri və nüvə yanacağı dövriyyəsinin təkmilləşdirilməsinin yüksək dəyərləndirilməsi məqsədilə İranda milli nüvə texnologiyası günü adlandırılıb.