İranda Konstitusiyanın icrasına nəzarət üzrə Negəhban Şurasının sözçüsü prezident seçkilərində iştirak üçün namizədliyini irəli sürənlərin səlahiyyətlərinin araşdırılması prosesinin yekun mərhələyə yaxınlaşdığını deyərək, nəticənin bu gecə Daxili İşlər Nazirliyinə elan ediləcəyini bildirib.

İRİB-nin verdiyi məlumat görə, Abbasəli Kətxudayi deyib: Səlahiyyətləri təsdiq edilmiş namizədlərin adlarının Daxili İşlər Nazirliyi tərəfindən rəsmən elan edilməsinin ardınca təbliğat kampaniyası başlanacaq və seçkilərdən 24 saat öncəyə qədər davam edəcək.

İranda 12-ci prezident seçkiləri şəhər və kənd islam şuralarına 5-ci çağırış seçkiləri ilə bir vaxtda 19 May tarixində keçiriləcək.