SAHAR

İranın "Perspolis" komandası Birləşmiş Ərəb Əmirliklərinin Əl-Vəhdə komandası üzərində qələbə çalaraq, Asiya Çempionlar Liqasının səkkizdə bir final mərhələsinə yüksəlib.

Perspolis komandası Asiya Çempionlar Liqasında İranı təmsil edən komandalardan biri olaraq bazar ertəsi günü axşam Tehranın "Azadlıq" stadionunda Birləşmiş Ərəb Əmirliklərinin Əl-Vəhdə komandasını qəbul edib. Qarşılaşma 4-2 hesabı ilə Perspolis komandasının xeyrinə başa çatıb. 

"Perspolis" bu qələbə ilə 4-cü qrupdan səkkizdə bir final mərhələsində iştiraka vəsiqə əldə edən ikinci komanda olmağı bacarıb. 

Asiya Çempionlar Liqasının davamında 4-cü qrupun digər qarşılaşmasında Ərəbistanın Əl-Əhli komandası 4-3 hesabı ilə Qətərin Əl-Rəyan komandasını məğlub edib. Bununla da Ərəbistanın Əl-Əhli komandası 4-cü qrupun ən güclü komandası olaraq növbəti mərhələyə yüksəlib. 

İranın "Perspolis" komandası Asiya Çempionlar Liqasının səkkizdə bir final mərhələsində Qətərin Lexviya komandası ilə qarşılaşmalı olacaq.