SAHAR

İranın Atom Enerjisi Təşkilatının sədri Atom Enerjisi üzrə Beynəlxalq Agentliyin baş direktoru ilə Vyanada görüşdükdən sonra deyib: İran nüvə obyektlərinə nəzarət, əlavə protokol və nüvə anlaşması ilə əlaqədar bütün öhdəlikləri yerinə yetirib və bundan artıq iltizam görmür.

İranın Atom Enerjisi Təşkilatının sədri Əli Əkbər Salehi bazar ertəsi gecə Vyanada Atom Enerjisi üzrə Beynəlxalq Agentliyin baş direktoru Yukio Amano ilə danışıqlardan sonra Amano ilə görüşünün çox yaxşı keçdiyini bildirərək deyib: Amano İranın öz öhdəliklərinə sadiq qalmasından çox razılıq etdi. Biz də agentliyin heç bir tərəfi saxlamadan və siyasi təzyiq olmadan öz işini yerinə yetirdiyinə görə razılığımızı bildirdik.

İranın Atom Enerjisi Təşkilatının sədri deyib: Bu görüşdə İran Atom Enerjisi Təşkilatının agentliklə daha yaxşı əməkdaşlığı üçün təkliflər toplusu təqdim olundu. Agentliyin baş direktoru da bu beynəlxalq qurumun bu layihələri irəlilətmək üçün hazır olduğunu bildirdi.

Salehi deyib: Amano bu görüşdə nüvə anlaşması haqda keçirdiyi görüşlərlə əlaqədar məlumat verdi.

İranın Atom Enerjisi Təşkilatının sədri deyib: İran Atom Enerjisi üzrə Beynəlxalq Agentliyinin baş direktorunun andı mətnində qeyd olunduğunu istəyir. Bu gün də Amano həmin andı oxudu, agentliyin baş direktoru müstəqil şəkildə addım atmalı və başqalarının tövsiyələrini dinləməməlidir.