SAHAR

İran İslam Respublikası prezident aparatının mətbuat xidmətinin sədr müavini deyib: İran İslam Respublikası prezidenti Həsən Ruhani Rusiya prezidenti Vladimir Putinin rəsmi dəvəti ilə çərşənbə günü Rusiyaya səfər edəcək.

İRNA-nın verdiyi məlumata görə, Pərviz İsmaili bu gün Tvitter səhifəsində yazıb: Həsən Ruhani noyabrın 22-də İran, Rusiya və Türkiyə prezidentlərinin üçtərəfli iclasında iştirak etmək üçün Rusiyanın Soçi şəhərinə bir günlük səfər edəcək. 

İsmaili bildirib: İran İslam Respubliksı prezidenti Soçi iclasında iştirakdan əlavə Rusiya və Türkiyə prezidentləri ilə ikitərəfli görüşlər də həyata keçirəcək. 

Suriya proseslərinin perspektivi, terrorçu təkfirçi qruplarla mübarizə və İran, Rusiya və Türkiyənin bu sahədəki əməkdaşlıqlarının davam etməsi İran, Rusiya və Türkiyə prezidentlərinin Soçi şəhərindəki iclasının əsas mövzularını təşkil edəcək.