Rusiya Müdafiə Nazirliyi Suriyanın şimal-qərbində İdlibdə əməkdşalıqların artırılması üzrə İran, Rusiya və Türkiyənin razılaşmasından xəbər verib.

İnterFax informasiya agentliyinin məlumatına görə, Rusiya Müdafiə Nazirliyi çərşənbə axşamı günü bir bəyanatda bildirib: Tehran, Ankara və Moskva Suriyanın İdlib vilayətində təhlükəsiz zonada əməkdaşlıqların yüksəldilməsi haqda razılığa gəliblər. 

Bu bəyanatda bildirilib: İran, Rusiya və Türkiyə Suriyada İŞİD və Ən-Nüsrə Cəbhəsi terror qruplaşmalarının qalan terrorçularının məhvi üzrə addımlar üzərində işləyirlər.

İran, Rusiya və Türkiyə 4 may 2017-ci ildə Qazaxıstan paytaxtı Astanada razılaşma imzaladılar. Bu razılaşmaya əsasən, İdlib, Laziqiyyə, Homs, Hələb, Həma, Dəməşq, Şərqi Qutə, Dəra və Qünəytrənin bir sıra bölgələrində gərginliyin azaldılması istənilir. 

Suriya ordusu və müqavimət mehvəri 19 noyabrda Deyruz-Zur vilayətində Bukamal şəhərini tam azad etməklə İŞİD terror qruplaşmasını Suriyadakı son bazasından qovdular.