SAHAR

İran İslam Respublikası prezidenti tələbələr və gənclərin İran İslam Respublikası quruluşunun boynunda böyük haqqa malik olduqlarını bildirib və tələbələrin ruhanilər və xalq ilə birlikdə sinələrini İnqilab üçün sipər etdiklərini deyib.

Həsən Ruhani şənbə günü gecə İranın cənub-şərqində yerləşən Sistan və Bəluçestan Universitetində Tələbə Günü münasibəti ilə təşkil edilmiş mərasimdə çıxış edib.

İran prezidenti öz çıxışında tələbələri İslami və milli dəyərlərin qoruyucusu adlandırıb və deyib: İran universitetləri bir-biriləri və dünyanın elmi mərkəzləri ilə əlaqəyə malik olmalıdırlar. 

Həsən Ruhani daha sonra İranda istehsalın inkişaf etdirilməsi üçün lazım olan əsas məsələlərdən birini region bazarlarının ələ keçirilməsi adlandırıb və İran universitetlərindən qonşu ölkələrin bazarlarını ələ keçirmək istiqamətində səy göstərmələrini istəyib. 

Ruhani həmçinin, İran İslam Respublikasının bu gün regionda münaqişələrin həll ediməsində başlıca rola malik olduğunu deyərək, əlavə edib: İranın İraq və Suriya xalqları ilə birlikdə İŞİD-i məğlub etməsi böyük bir fitnənin sonu idi.