Ruhani iranlı ağır atleti təbrik edib
İran İslam Respublikasının prezidenti Həsən Ruhani bu gün bir twitter mesajında yeni dünya rekorduna və üç qızıl medal əldə etməsinə görə, iranlı ağır atlet Sohrab Moradini təbrik edib.
94 kiloqram çəki dərəcəsində yarışan iranlı ağır atlet Sohrab Moradi Tehran vaxtı ilə bazar ertəsi günü Amerikada keçirilən dünya çempionatı yarışlarında dünya rekordunu dörd kiloqram artıra bilibdir.
Sohrab Moradi birdən qaldırma hərəkətində 184 kiloqramlıq ağırlığı qaldıraraq, qızıl medal qazanıb.
Moradi təkanla qaldırma yarışlarında da elə ilk hərəkətdə 219 kiloqram ağırlığı qaldıraraq, təkanla qaldırmada və iki hərəkətin cəmində qızıl medalını qətiləşdiribdir.
Ağır atletika üzrə 2017-ci il dünya çempionatı noyabrın 27-dən ABŞ-ın Los-Anceles şəhərində başlanıb və dekabrın beşinədək davam edəcəkdir.
