Lavrov: İran bütün öhdəliklərini yerinə yetirib
-
Lavrov: İran bütün öhdəliklərini yerinə yetirib
Rusiya xarici işlər naziri Sergey Lavrov iranlı həmkarı Məhəmməd Cavad Zəriflə görüşdə bildirib: İran Əhatəli Müştərək Təşəbbüs Proqramı çərçivəsində bütün öhdəliklərinə sadiq qalıb və onları yerinə yetirib.
İRNA-nın məlumatına görə, Sergey Lavrov çərşənbə günü günortadan sonra İran xarici işlər naziri Məhəmməd Cavad Zərif və onu müşayiət edən heyətlə Moskvada görüşdə nüvə anlaşmasının reallaşması və icrasının önəmli olduğunu bəyan edib və deyib: Atom Enerjisi üzrə Beynəlxalq Agentliyin baş direktoru Yukio Amano da İranın nüvə anlaşmasının müddəalarına sadiq qaldığını təsdiqləyib.
O əlavə edib: Rusiya nüvə anlaşmasının icrası və kütləvi qırğın silahlarının yayılmamasını dəstəkləyir.
Rusiya xarici işlər naziri İran və Rusiya arasındakı əməkdaşlıqlar prosesinə toxunub və deyib: İki ölkənin nazirlikləri və milli təhlükəsizlik şuraları arasında əməkdaşlıq davam edir.
