Tehran Makronun təklifini rədd etdi
Yan 31, 2021 10:28 Asia/Baku
Fransa Prezidenti Emmanuel Makronun Səudiyyə Ərəbistanı rejimi ilə bağlı təklifini İran tərəfindən rədd oldu.
SəhərAzəri xəbər verir ki, bu barədə Xarici İşlər Nazirliyinin sözçüsü Səid Xətibzadə açıqlama verib.
“Nüvə razılaşması BMT Təhlükəsizlik Şurasının 2231 saylı qətnaməsi ilə təsdiqlənib və heç bir şəkildə yenidən müzakirəyə çıxarıla bilməz. Eyni zamanda, bu, tərəfləri bəlli və dəyişməz olan çoxtərəfli razılaşmadır”, - XİN rəsmisi söyləyib.
Qeyd edək ki, Makron ötən gün Səudiyyə Ərəbistanına məxsus “Əl-Ərəbiyyə” telekanalına verdiyi açıqlamada Ər-Riyad rəhbərliyinin İranla planlaşdırılan nüvə danışıqlarında iştirak etməli olduğunu söyləyib.
