SAHAR

İran İslam Respublikası Silahlı Qüvvələrinin Baş Qərargah rəisi və İranın yüksək rütbəli hərbi heyətinin üzvləri Kəraçi şəhərində Pakistanın mərhum banisi Məhəmməd Əli Cinahın məqbərəsində olublar.

SəhərAzəri-nin məlumatına əsasən, Onlar bu müsəlman azadlıqsevər liderə hörmət ifadə edib, Pakistanın milli muzeyinə baş çəkiblər.

İran İslam Respublikası Silahlı Qüvvələrinin Baş Qərargah rəisi general-mayor pasdar Məhəmməd Baqiri Pakistana rəsmi səfərinin davamında dünən gecə Kəraçiyə daxil olub.

General Baqiri, Cinah adına beynəlxalq hava limanına daxil olarkən İranın Kəraçidəki baş konsulu Nuriyan və Pakistanın bir qrup hərbi rəsmisi tərəfindən qarşılanıb.

Kəraçidə Pakistanın dəniz donanmasından baxış və dəniz korpusu komandanı Üveys Əhməd Bulqrami ilə görüş, İranın hərbi heyətinin digər tədbirlərindəndir.