İran-Əfqanıstan birgə iqtisadi komissiyasının iclası keçirilib
Taliban baş nazirinin iqtisadi məsələlər üzrə müavini Molla Əbdülqəni Bəradərin başçılıq etdiyi Taliban hökumətinin yüksək səviyyəli iqtisadi nümayəndə heyətinin İrana səfərinin ardınca Tehranda İran-Əfqanıstan birgə iqtisadi-ticari komissiyasının iclasının birinci günü keçirilib.
Ticarət, tranzit, nəqliyyat, gömrük və ekologiya sahələrində müştərək işci qruplarının yaradılması, həmçinin iki ölkə arasında ticarət əlaqələrinin genişləndirilməsi istiqamətində mövcud olan maneə və problemlərin araşdırılması məqsədilə bir neçə digər işçi qrupunun təşkili, iclasın gündəmində duran proqramlardan elan olunub.
Qeyd olunan sahələrdə müştərək işci qruplarının təşkilinin araşdırılmasından sonra iclasın sonuncu günündə əməkdaşlıq barədə memorandumların işlənib hazırlanması və onların iki ölkə nazirləri və rəsmiləri tərəfindən imzalanması istiqamətində addımlar atılacaq.
