İrandan ŞƏT ölkələrinə təklif
İran prezidentinin səlahiyyətlərini icra edən Məhəmməd Müxbir Şanxay Əməkdaşlıq Təşkilatına (ŞƏT) üzv olan ölkələri birgə azad iqtisadi zonalar şəbəkəsi yaratmağa, güzəştli və azad ticarət sazişləri bağlamağa çağırıb.
İran Bunu Qazaxıstanda keçirilən Şanxay Əməkdaşlıq Təşkilatına üzv dövlətlərin başçılarının görüşündə çıxış edən Məhəmməd Müxbir əmin olduğunu bildirib ki, ŞƏT üzvləri "Şimal-Cənub" beynəlxalq nəqliyyat dəhlizindən və İranın cənub limanlarından istifadə etməklə digər ölkələrlə daha ucuz və sürətli ticarət apara bilərlər.
"Tranzit və kommersiya fəaliyyətlərinin bir-birini tamamlamasını nəzərə alaraq, biz təşkilati səviyyədə birgə azad zonalar şəbəkəsi yaratmağı və güzəştli və azad ticarət sazişləri kimi iqtisadi müqavilələr bağlamağı təklif edirik", Müxbir bildirib.
Müxbir əmin olduğunu bildirib ki, ŞƏT üzvləri "Şimal-Cənub" beynəlxalq nəqliyyat dəhlizindən və İranın cənub limanlarından istifadə etməklə digər ölkələrlə daha ucuz və sürətli ticarət apara bilərlər.
İyulun 3-4-də Astanada ŞƏT sammiti keçirilir. Tədbirdə Rusiya, Azərbaycan, Belarus, Hindistan, İran, Qazaxıstan, Qətər, Qırğızıstan, Çin, Monqolustan, BƏƏ, Pakistan, Tacikistan, Türkmənistan, Türkiyə və Özbəkistanın dövlət və hökumət başçıları iştirak edirlər.
Şanxay Əməkdaşlıq Təşkilatı 2001-ci il iyunun 15-də təsis edilib. Əvvəlcə altı ölkə - Rusiya, Qazaxıstan, Qırğızıstan, Çin, Tacikistan və Özbəkistandan ibarət olub. 2017-ci ildə onlara Hindistan və Pakistan, 2023-cü ildə isə İran İslam Respublikası qoşulub. Belarusun təşkilata qoşulması prosesi artıq yekunlaşıb.
Ümumilikdə ŞƏT Cənubi, Cənub-Şərqi və Şərqi Asiyadan Yaxın Şərqə və Avropaya qədər ərazidə 26 üzv dövləti, dialoq üzrə tərəfdaşları (Azərbaycan, Ermənistan, Bəhreyn, Misir, Kamboca, Qətər, Küveyt, Maldiv adaları, Myanma, Nepal, BƏƏ, Səudiyyə Ərəbistanı, Türkiyə, Şri-Lanka) və müşahidəçiləri (Əfqanıstan, Monqolustan) birləşdirir.
