Məsud Pezeşkian: “Mənim nə partiyam nə də arxam var idi”
İran İslam Respublikasında prezident seçkilərinin ikinci turunda qalib gələn İranın yeni seçilmiş Prezidenti Məsud Pezeşkian sadəcə xalqın gücü və iradəsi nəticəsində seçkiləri qazandığını bildirib.
Məsud Pezeşkian seçkilərdə qalib gəldikdən sonra İRİB müxbirinə verdiyi müsahibədə belə deyib: “Mənim nə partiyam nə də arxam var idi. Xalqın sevə sevə iştirakı qələbəmə səbəb oldu”.
Pezeşkian siyasi rəqiblərini “qardaş” adlandırıb və hər kəsə dostluq əli uzadacağına söz verib.
“Hər kəsə dostluq əli uzadacam, hamını ölkənin inkişafına cəlb edəcəyəm. Rəqiblər mənim qardaşlarımdır” - o, vurğulayıb.
Xatırladaq ki, dünən İranda keçirilən prezident seçkilərinin ikinci turunda Məsud Pezeşkian rəqibi Səid Cəlili üzərində qələbə çalaraq İranın 10-cu prezidenti seçilib.
