SEPAH-ın sözçüsü:
"İran bir gün də olsun raket istehsalını dayandırmayıb.
EPAH sözçüsü mətbuat konfransında ölkənin şimalından cənubuna əhatə edən hərbi təlimlərlə bağlı açıqlama verib. "Təlimlərimizin xəbəri yaxın günlərdə və həftələrdə düşmən tərəfinə çatdırılacaq. Sionistlər aldanır və onların hesablamaları səhvdir"-deyən general daha sonra ölkədə geniş miqyaslı təlimlərə işarə edərək bildirib:
"Ölkənin müxtəlif bölgələrində eyni vaxtda başladılan bir neçə əməliyyatlar diqqətlə nəzərdən keçirilir. Bu təlimlərdə bəzi silah və texnikalar ilk dəfə nümayiş etdirilir ki, əlbətdə bu, İslam İnqilabı Keşikçiləri Korpusunda xidmət edən vətən oğullarının intellektual, elmi və mühəndislik peşəkarlığını və savadını göstərir.
Birgə hava hücumundan müdafiə sistemlərinin təlimi də daxil olmaqla bir sıra güc təlimlərində, SEPAH-ın quru qüvvələrinin əməliyyatının icrası çərçivəsində Aerokosmik Qüvvələrin və BƏSİC-lərdən təşkil edilmiş korpus ölkənin 6 vilayətində bu təlimlərə cəlb edilib.
Əhəmiyyətli və prioritet kəsb edən əsas məqsəd ölkənin bir sıra vilayətlərində hava hücumundan müdafiə qabiliyyətlərinin sınanmasıdır. Hərbi Hava Qüvvələrinin müdafiə təlimi çərçivəsində SEPAH Hərbi Hava Qüvvələri ölkənin müdafiə qüvvələri ilə koordinasiyalı şəkildə hərəkət edir"-deyə general vurğulayıb
