SAHAR

İran Xarici İşlər Nazirliyinin rəsmi nümayəndəsi irqçi İsrail rejiminin Qəzzə zolağı və qərb sahilində, xüsusən də Fitr bayramı günlərində məzlum Fələstin xalqına qarşı hücum və cinayətlərinin davam etməsini pisləyib.

İsmayıl Bəqayi həmçinin sözügedən rejimin müalicə mərkəzləri və yardım qüvvələrinə qəsdən etdiyi hücumu, eləcə də jurnalistləri məqsədyönlü şəkildə terror etməsini, digər tərəfdən də, ekstremist sionist qəsəbə sakinlərinin Məscidüləqsaya basqın etmələrini kəskin tərzdə pisləyib.

İran Xarici İşlər Nazirliyinin mətbuat katibi soyqırım vasitəsi kimi aclıq və qıtlığı qəbuletdirmə siyasətini dayandırması üçün İsrail rejiminə təzyiqin göstərilməsini istəyən BMT-nin insan hüquqları şurasının ərzaq haqqı üzrə məruzəçisinin məlumatına işarə edib.

İsmayıl Bəqayi bu məsələ ilə bağlı, BMT-nin insan hüquqları işləri sahəsində məsuliyyətyaradan vəzifəsini xatırladıb və İngiltərə, Kanada, Almaniya və Fransa da daxil olmaqla, insan hüquqlarından dəm vuran bəzi Qərb ölkələrinin işğal olunmuş Fələstində insan hüquqlarının və humanitar yardımların biabırçı və mütəşəkkil şəkildə pozulmaları qarşısındakı hərəkətsizliklərindən təəssüf ifadə edib və onu, sözügedən ölkələrin insan hüquqları və qanun hakimiyyətilə bağlı sədaqətsizliklərinin aydın nişanəsi adlandırıb.

İran Xarici İşlər Nazirliyinin rəsmi nümayəndəsi beynəlxalq hüquqa zidd müharibə və soyqırım cinayətləri də daxil olmaqla alçaq cinayətlərlə mübarizə və onların qarşısının alınması üçün bütün dövlətlərin birgə məsuliyyət daşıdıqlarını xatırladıb. O, sionist rejimin cəzalandırılmamasının davam etməsini, bu rejimin daha da həyasızlaşması və yırtıcılaşması, həmçinin qəsb edilmiş Fələstində işğalçılıq və qırğının davam etməsinin başlıca amili adlandırıb.

Bəqayi islami ölkələr xüsusiyyət təşkil etməklə bütün dünya ölkələrini zülm altında olan Fələstin xalqı ilə sözdə və əməldə həmrəylik göstərməklə sığınacaqsız fələstinli qadın və uşaqların qırğın olunmalarının davam etməsinə mane olmağa çağırıb.