İran Silahlı Qüvvələrinin Baş Qərargah rəisi ordunun yüksək əhval-ruhiyyəsindən danışdı:
“Silahlı qüvvələr tam informasiya və əməliyyat hazırlığındadır”
Dek 08, 2025 14:50 Asia/Baku
İran İslam Respublikası Silahlı Qüvvələrinin Baş Qərargah rəisi bildirib ki, ordunun tam informasiya və əməliyyat hazırlığı mövcuddur və müasir müharibələrə hazırlıq strateji bir zərurətdir.
İran Press xəbər agentliyinin məlumatına görə, general-leytenant Seyid Əbdülrəhim Musəvi Sepah-ın DAFOS tələbələri ilə görüşdə vurğulayıb ki, müasir müharibələrə hazırlıq strateji zərurətdir.
O əlavə edib ki, yeni texnologiyalar, strateji tədqiqatlar və süni intellektdən istifadə Silahlı Qüvvələrin elmi cihadının bir hissəsidir və bundan qafil qalmaq olmaz.
Baş Qərargah rəisi həmçinin xatırladıb ki, Müqəddəs Müdafiə dövrü və regional müqavimət təcrübələri strateji bir sərvət kimi yeni nəslə ötürülməlidir.
