İran-ABŞ razılaşmadan sonra əsas şərtlərin icrasının gecikməsi Yaxın Şərqdə yeni siyasi və hərbi hesablamaların formalaşmasından xəbər verir.

Razılaşmanın imzalanmasından günlər keçməsinə baxmayaraq, əsas öhdəliklərin yerinə yetirilməməsi qarşılıqlı etimad böhranını dərinləşdirib.
Xüsusilə Livanın cənubunda işğalın davam etməsi razılaşmanın ilkin şərtlərinin icrasını faktiki olaraq mümkünsüz edir.
Bununla yanaşı, ABŞ və İsrail rəsmilərinin davam edən təhdid ritorikası gərginliyin azalmadığını göstərir. Ona görə də müşahidə olunan vəziyyət diplomatik prosesin siyasi manevr alətinə çevrildiyi barədə fikirləri gücləndirir. Bununla belə analitiklərə görə, Livan üzrə yaradılmış mexanizmlərdə İranın iştirak etməsi Tehranın regional rolunun genişlənməsinin göstəricisidir.
Bu, İranın ilk dəfə olaraq Livan siyasi sistemində rəsmi və təsirli aktor kimi çıxış etməsinə şərait yaradır.
Beləliklə, Tehran regional təsir imkanlarını yalnız hərbi deyil, diplomatik müstəvidə də möhkəmləndirməyə çalışır.
Digər tərəfdən, prosesin uzanması sionist rejimə hərbi və siyasi imkanlarını bərpa etmək üçün əlavə vaxt qazandırır.
Bu isə gələcək mərhələdə daha sərt qarşıdurma ehtimalını artırır.
İran üçün diqqət mərkəzində duran əsas məsələlərdən biri Hörmüz boğazı üzərində strateji nəzarətin gücləndirilməsidir. Bu kontekstdə Tehran bu vasitəni həm iqtisadi, həm də siyasi təzyiq aləti kimi qiymətləndirir.
Eyni zamanda, Livandakı vəziyyət İranın regional çəkisinin real göstəricisinə çevrilib və bunun nəticəsində istisna deyil ki, sionist İsrail Livandan geri çəkilməyə məcbur ediləcək.