AŞPA-nın 40 deputatından Azərbaycana çağırış:
“Laçın dəhlizinin qanunsuz blokadasına son qoyulmalıdır!”
Avropa Şurası Parlament Assambleyası AŞPA-nın 40 deputatı Azərbaycandan Laçın dəhlizinin qanunsuz blokadasına dərhal son qoymağı tələb edib.
SəhərAzəri-nin məlumatına görə, Parlamentarilər Azərbaycanı Laçın dəhlizi ilə bağlı ikitərəfli maneəsiz hərəkəti təmin etməyə məcbur edən Beynəlxalq Məhkəmənin qərarını dərhal yerinə yetirməyə çağırıblar.
Bəyanatda bildirilir ki, Azərbaycan 2023-cü il aprelin 23-də Dağlıq Qarabağı Ermənistanla birləşdirən yeganə yol olan Laçın dəhlizini birtərəfli qaydada bağlamaqla 2020-ci il müqaviləsini pozub.
Sənəddə həmçinin Azərbaycan beynəlxalq strukturlarla əməkdaşlığa və Dağlıq Qarabağa faktaraşdırıcı səfərlərə icazə verməyə çağırılıb.
Parlamentarilər sonda Avropa Şurasınından istəyiblər ki, Dağlıq Qarabağ əhalisinin insan hüquqlarının müdafiəsi üçün təsirli addımlar atsın.
