İslam dininə aid ibadət yerlərinə və ziyarətgahlara din xadimləri Qafqaz Müsəlmanları İdarəsinə məlumat verilməklə Dini Qurumlarla İş üzrə Dövlət Komitəsi tərəfindən təyin olunacaq.

SəhərAzəri-nin məlumatına əsasən,"Dini etiqad azadlığı haqqında" qanuna təklif edilən dəyişikliyə görə indiyədək Qafqaz Müsəlmanları İdarəsinin səlahiyyətində olan bu təyinat DQİDK-nin səlahiyyətinə veriləcək.

"Dini etiqad azadlığı haqqında" qanuna təklif edilən dəyişikliyə görə həmçinin ianə edilmiş pul vəsaitlərinin dini qurumlar tərəfindən qəbul edilməsi qaydasını müvafiq icra hakimiyyəti orqanının müəyyən etdiyi orqan (qurum) müəyyən edəcək.