Bakıda silahlı şəxs 3 polisi qətlə yetirib
Bakının Xəzər rayonunda bir silahlı şəxs “Lancaster” markalı ov silahından atəş açaraq 3 polis əməkdaşını və 1 mülkini qətlə yetirib.
Azərbaycan Respublikası Daxili İşlər Nazirliyinin (DİN) və Baş Prokurorluğun yaydığı birgə məlumata görə, Bakının Xəzər rayonu Şüvəlan qəsəbəsində əvvəllər dəfələrlə məhkum olunmuş, hazırda axtarışda olan 1986-cı il təvəllüdlü Allahverdiyev Rövşən Oqtay oğlu polis əməkdaşları tərəfindən iyunun 24-də saxlanılarkən silahlı müqavimət göstərilib.
Məlumata görə, o, polis əməkdaşlarına mane olmaq məqsədilə ailə üzvlərini önə verərək yayınmağa və cavab tədbirlərinin qarşısını almağa cəhd edib, yaranmış vəziyyətdən istifadə edərək “Lancaster” markalı ov silahından atəş açaraq 3 polis əməkdaşını və 1 mülkini qətlə yetirib.
Məlumatda bildirilir ki, nəhayət R.Allahverdiyev polis əməkdaşları tərəfindən zərərsizləşdirilib.
