Türkiyə polisi PKK-nın gənclər qoluna qarşı geniş əməliyyatlara başlayıb.

Dünya Bülleteni informasiya portalının verdiyi məlumata görə, Türkiyə polisi cümə günündən etibarən İstanbulun müxtəlif məntəqələrində PKK-nın gənclər qolu olan YDG-H əleyhinə geniş əməliyyatlara başlayıb.
Bu əməliyyatlar zamanı Türkiyə ordusu xüsusi təyinatlıları polis qüvvələrinə dəstək verib.
Bu məlumata görə, əməliyyatın başlanmasından bəri YDG-H üzvlərindən olan bir qrup gənc həbs edilib. Amma, hələ ki, saxlanılanların dəqiq sayı barədə məlumat verilmir.
Türkiyə polisinin PKK-nın gənclər qoluna qarşı əməliyyatı hələ də davam edir.
Polis əməliyyatın detallarına aydınlıq gətirmir.