SAHAR

Kanadanın Kebek vilayətinin Set-il şəhərində islam mədəniyyət mərkəzi yandırılıb.

İKNA informasiya agentliyinin verdiyi məlumata görə, yanğın söndürənlərin bu mərkəzdə yanğını söndürmək cəhdlərinə baxmayaraq mərkəzə ağır maddi ziyan dəyib. 

Set-il şəhərinin islam mədəniyyət mərkəzi cümə namazlarının qılınması, islami bayramların qeyd olunması və həftə sonu iclasların keçirilməsi üçün istifadə olunur. 

26 oktyabrda da naməlum şəxslər Set-il şəhərinin islam mədəniyyət mərkəzinə hücum edərək bu mərkəzə xəsarətlər vurmuşdular. 

Kanadanın Alberta vilayətinin cənubunda yerləşən Kelgri şəhərinin Ranç Lendez məscidi də keçmişdə anti-islam qrupların hücumuna məruz qalmışdı.