Tunis Daxili İşlər Nazirliyinin sözçüsü bazar ertəsi günü bildirib ki, bu ölkədə hökumət əleyhinə etiraz aksiyalarının davam etməsilə həbs olunanların sayı 900 nəfəri ötüb keçibdir.

Press TV-nin verdiyi məlumata görə, Xəlifə Əlşeybani qeyd edib ki, bu ölkədəki çaxnaşmalarda bir etirazçı da ölüb, yüz beş təhlükəsizlik qüvvəsi isə yaralanıbdır.

Tunisdə etirazlar əmtəə mallarının qiymətlərinin artması və subsidiyaların ləğv edilməsi haqqında yeni qanun qəbul edildikdən sonra 2018-ci ilin yanvarından başlanıb.

Tunis hökuməti milli valyutanın dəyərində kəskin azalma və büdcə kəsiri üzündən qənaət siyasətinə üz tutubdur.