SAHAR

BMT-nin uşaq fondu(UNICEF) dünən Yəməndəki durumun faciəli olduğunu bildirib və 11 milyon yəmənli uşağın humanitar yardımlara ehtiyaclı olduğunu xatırladıb.

İRİB-in verdiyi məlumata görə, UNICEF bildirib ki, Yəmənin şah damarı hesab olunan Əl-Hədidə limanının bağlanması yəmənli uşaqlar üçün acınacaqlı nəticələrə gətirib çıxaracaq. 

Səudiyyə Ərəbistanı və Birləşmiş Ərəb Əmirlikləri hərbçiləri son bir ayda Yəmənin qərbində Əl-Hədidə limanını işğal etmək məqsədi ilə əməliyyata başlayıblar. 

Əl-Hədidə limanı Yəmənə humanitar yardımların göndərilməsi üçün ən əsas marşrut hesab olunur. 

Səudiyə Ərəbistanı, BƏƏ, ABŞ, sionist rejim və bəzi digər müttəfiqlərinin himayəsi ilə 2015-ci il mart ayında Yəmənə hərbi təcavüz edərək, bu ölkəni quru, dəniz və havadan mühasirəyə aldı. Səudiyyə Ərəbistanı, BƏƏ və müttəfiqlərinin Yəmənə qarşı təcavüzkar əməliyyatlarında indiyədək 14 min yəmənli həlak olub, on minlərlə insan yaralanıb və milyonlarla yəmənli didərgin düşüb. 

Səudiyyə Ərəbistanı və BƏƏ-nin hərbi təcavcüzü yoxsul Yəmən ölkəsini qida və dərman çatışmazlığı ilə üz-üzə qoyub. 

Səudiyyə rejimi və onun müttəfiqləri indiyədək yəmən xalqının müqavimətinə görə öz məqsədlərinə nail ola bilməyiblər .