Yaponiyanın ticarət naziri ABŞ-ın iqtisadi qərarlarına reaksiya verib
Yaponiyanın ticarət, sənaye və iqtisadiyyat naziri deyib ki, Amerika ticarət, xüsusən Yaponiyanın ticarət şirkətlərinin önəmi və onların ABŞ iqtisadiyyatının inkişafındakı rolu ilə bağlı ciddi anlaşılmazlığa düçar olubdur.
Yaponiyanın ticarət naziri Hiroşige Seko deyib ki, ABŞ dövləti Yaponiyanın ticarət şirkətlərinin və bu ölkənin azad ticarətinin ABŞ iqtisadiyyatının inkişafındakı önəmi barədə düzgün anlayışa malik deyildir.
Yaponiyanın ticarət naziri Amerikanın yapon avtomobilqayıranlar üçün nəzərdə tutduğu 25 faizlik rüsumdan nigarançılıq edərək, onların tətbiqi barədə xəbərdarlıq edibdir.
O, vurğulayıb ki, Yaponiyanın avtomobilqayırma şirkətləri ABŞ iqtisadiyyatında olduqca mühüm rol oynayırlar və əgər onlar zəiflədilərlərsə, Amerikada sərmayə yatırma qüdrətini itirmiş olacaqlar. Bu yapon rəsmi, Çin və Amerikanın iqtisadi sahədəki qarşıdurmalarından və onların qarşılıqlı rüsumlarından nigarançılıq edərək, deyibdir ki, bu vəziyyət dünyanın iqtisadi prosesini hədələyir.
Yaponiyanın ticarət naziri bildirib ki, ABŞ prezidenti bu addımlarla həmin ölkənin ticarət kəsri məsələsini həll edəcəyini zənn edir.
Seko əlavə edib ki, Amerika anlaşılmazlığa düçar olmamalıdır, zira Yaponiya uzun illərdir ki, Amerikanın avtomobilqayırma sənayesinə sərmayə yatıraraq, amerikanlar üçün minlərlə iş yeri yaradıbdır.
Yaponya bildiribdir ki, rüsumların artırılacağı halda, hər bir avtomobilin Amerikaya ixracat xərci altı min dollar çox olacaqdır.
