SAHAR

İraqın Bədr Təşkilatının sədri Rəmadinin şimalında yerləşən Sərsar təsisatının azad edilməsindən xəbər verib.

İraqın Süməriyyə informasiya agentliyinin verdiyi məlumata görə, İraqın Bədr Təşkilatının sədri deyib: təhlükəsizlik qüvvələri və könüllü xalq qüvvələri cümə axşamı Rəmadinin şimalında yerləşən Sərsar təsisatını azad etməyə nail olublar. Bu əməliyyat zamanı ordu qüvvələri könüllü xalq qüvvələrinin dəstəyi ilə İŞİD-in işğalında olan Sərsar təsisatını və bu təsisatda mühasirəyə düşən 90 hərbçini azad ediblər.
Bunun ardınca İraq Parlamentinin Təhlükəsizlik və Müdafiə Komitəsinin sədri Hakim Zamili də Cəzürətül-Samirə, Xəttül-Layn, Seyid Qərib və Rəmilat məntəqələrindən Nazim Sərsar məntəqəsinə kimi olan ərazilərin İŞİD-in işğalından azad edilməsindən xəbər verib.
Bu toqquşmalar zamanı 63 təkfirçi-terrorçu öldürülüb. Həmçinin, qadın libası geyinərək, qaçmağa çalışan 4 İŞİD terrorçusu İraq qüvvələri tərəfindən həbs edilib.
İraqın Ər-Ənbar vilayətinin mərkəzi olan Rəmadi şəhəri ötən həftələr ərzində İŞİD terrorçuları tərəfindən işğal edilib.
Əl-Ənbar vilayətinin azad edilməsi əməliyyatı çərşənbə axşamı günündən başlanıb və hazırda bu vilayət 3 istiqamətdən mühasirədədir.