“Normand dördlüyü”nə daxil olan ölkələrin xarici işlər nazirləri Ukraynadakı münaqişənin tərəflərini iyunun 26-dək hərbi texnikanın geri çəkilməsi ilə bağlı razılığa gəlməyə çağırıblar.

Beynəlxalq Səhər Kanalının APA-ya istinadən verdiyi məlumata görə, bu barədə Ukraynadakı münaqişənin nizamlanması ilə bağlı Fransada keçirilən danışıqların yekunlarına dair qəbul olunan bəyanatda deyilir.

Bəyanatı səsləndirən Fransa xarici işlər naziri Loran Fabius bildirib ki, danışıqlarda Minsk anlaşmalarının tam yerinə yetirilməsinin vacibliyi vurğulanıb.

“Bununla əlaqədar iyulun 2-də işçi qrupunun iclasının keçirilməsini alqışlayırıq”, - deyə o bildirib.

Nazir həmçinin qeyd edib ki, yaxın günlərdə Donbasdakı münaqişə zonasından hərbi texnikanın geri çəkilməsinə başlanılmalıdır.