Boko Haram terror qruplaşmasının oğurlanmış nigeriyalı qızların həyatda olması barədə yayımladığı yeni video, onların ailələrində yeni ümidlərə səbəb olub.

İRİB-nin verdiyi məlumata görə, Boko Haram tərəfindən oğurlanmış nigeriyalı qızların ailələri paytaxt Abucada aksiya keçiriblər.

Bu aksiyada nümayiş etdirilən videoya əsasən, Boko Haram tərəfindən oğurlanmış qızlar həyatdadırlar. Boko Haramın üzvlərindən biri bu videoda təhdid xarakterli müraciətdə Nigeriya prezidenti Məhəmməd Buharinin dövlətinə elan edir ki, Boko Harama qarşı savaşın davam edəcəyi təqdirdə, girov götürülmüş qızları öldürəcəklər.

Boko Haram tərəfindən oğurlanmış nigeriyalı qızların ailələri "qızlarımızı qaytarın" adlı bir qrup təşkil edərək, hər həftə aksiyalar təşkil edirlər.