ABŞ-ın seçilmiş prezidenti deyib: Müharibələrə pul xərcləmək yerinə, ABŞ-ın pullarını yolların, körpülərin və hava limanlarının bərpasına xərcləyəcəyik.

Tramp deyib: Biz Yaxın Şərqdə ən azı 6 trilyon dollar pul xərcləmişik. Halbuki, ölkədəki bütün yollar yararsız vəziyyətdədir. Magistral yollarımız dağılmaq ərəfəsindədir. Körpülərimiz içə uçulub, dağılır. Tunellərimizin vəziyyəti yaxşı deyil. Hava limanlarımız isə üçüncü dünya ölkələrində olduğu kimi dəhşətlidir. Buna görə də biz, artıq pullarımızı özümüz üçün xərcləmək istəyirik. Biz, hazırda digər ölkələrdə mövcud olan rejimləri devirmək üzrə olan səyləri dayandıracağıq. Bunun yerinə terrorizm ilə mübarizə aparmaq və İŞİD-i məhv etməyə yönəlik addımlar atacağıq.