SAHAR

İsrail rejiminin fələstinlilərə qarşı zorakılıqlarının son zamanlar xeyli artmasının ardınca İtaliyada bir qrup Parlament binası önündə aksiya keçirərək, bu ölkə hökumətinin sionist rejimin cinayətlərinə reaksiya göstərməsini istəyib.

İtaliyada bir qrup vətəndaş bu ölkə parlamenti önündə piket keçirərək, İsrail zindanlarında əsir olaraq saxlanılan fələstinli uşaqların azad edilməsini istəyib.

Piket iştirakçıları İtaliya hökumətindən, Cenevrə konvensiyasını imzalayan ölkələrdən biri olaraq, İsrailin fələstinlilərə qarşı zorakılıqları qarşısında sükut etməməsini və bu qeyri-insani davranışı qınamasını istəyiblər.

Aksiya iştirakçılarından biri deyir: “Hazırda İsrail zindanlarından 300-dən çox fələstinli uşaq və  yeniyetmə var. Ən son həbs edilən fələstinli yeniyetmə isə ötən ay özünü müdafiə etmək üçün İsrail hərbçisinə şillə vuran 16 yaşlı fələstinli qızdır. İsrail hərbçiləri isə onu və anasını həbs edib, digər ailə üzvlərini isə döyərək, onlara xəsarətlər yetiriblər.”

Aksiya iştirakçıları ABŞ başda olmaqla Qərbin İsrailin cinayətlərinə göz yummasını, bu rejimin daha da həyasızlaşmasına səbəb olduğunu deyiblər: “Amerikalılar insan  haqlarının ən böyük himayədarı olduqlarını iddia edirlər. Amma, gözlərini həmişəlik olaraq İsrailin fələstinlilərə qarşı cinayətlərinə yumblar. Amerika insan haqlarını ən kobud şəkildə pozan ölkə olmaqla yanaşı, insan haqlarından digər ölkələrə təzyiq göstərmək üçün də sui-istifadə edir. Dünyanın azad insanları ABŞ-ın insan haqlarının müdafiəsində nə qədər səmimi olduğunu çox yaxşı bilirlər.”

Bu etiraz aksiyasında İsrail hərbçilərinin fələstinlilərə xüsusilə də uşaqlara qarşı zorakılıqları kəskin formada tənqid edilib.