SAHAR

Rusiya prezidenti ABŞ-ın NBC telekanalı ilə müsahibədə deyib: Bizim yeni silahlarımız sadəcə olaraq anti-raket sistemlərinin öhdəsindən gələ bilir, amma yeni soyuq müharibə olmayacaqdır.

Rusiya prezidenti cümə axşamı günü Moskvada təqribən iki saat uzanan ölkəsinin durumu barədəki illik çıxışında Rusiyanın müdafiə qabiliyyətləri daxil olmaqla geniş spektr barədə söhbət edibdir.

Putin deyib: Moskva Rusiyanın hava hücumundan müdafiə sistemlərini yenidən qurub və anti-raket sistemləri qarşısında görünməz olan yeni Kruz raketləri istehsal edibdir.

Putin vurğulayıb: Moskva öz müttəfiqlərinə qarşı hər cür raket hücumunu Rusiyaya qarşı hücum hesab edəcək və dərhal ona cavab verəcəkdir. Rusiya prezidenti həmçinin ABŞ-ın yeni doktrinasında nüvə silahlarından istifadəyə dair maddədən nigarançılıq edib. Rusiya federasiyasının beynəlxalq məsələlər şurasının üzvü Konstantin Kozaçev belə deyib: Deyəsən, dünya soyuq müharibə dövrünün ilkin vəziyyətinə qayıdıbdır. O zaman hər bir ölkənin əsas təkidi həmin ölkənin milli təhlükəsizliyinə zəmanət üçün birtərəfli hərbi üstünlüyə görə idi. Hazırda qərblilər çalışırlar, özlərilə müxalif olan hər bir ölkədən daha güclü olsunlar ki, öz maraqlarını bütün dünyaya qəbul etdirə bilsinlər. Bu model Rusiya üçün tamamilə qəbuledilməzdir.

Ötən ay Pentaqon Amerikanın yeni nüvə hücumu siyasəti barədə sənəd yaydı ki, bu məsələ Amerikanın nüvə silahları qabiliyyətlərinin güclənməsi və genişlənməsinə səbəb olacaqdır.

Putin "NBC Nyus" telekanalı ilə eksklüziv müsahibədə ölkəsinin yeni soyuq savaş salmaq ardınca olmasına dair iddianı rədd edibdir.

Rusiyanın yeni hərbi nailiyyətlərinin təqdimatının ardınca ABŞ müdafiə nazirliyi kruz raketlərinin sınağından nigarançılıq edərək, Rusiyanın bu addımını qısa və orta mənzilli raketlərin məhv edilməsinə dair sazişin pozulması adlandırıbdır. Kreml də bir bəyanat yayaraq, ABŞ-ın iddiasını rədd edibdir.