Braziliyada siyasi qalmaqala son; Da Silva təslim oldu
Apr 08, 2018 14:04 Asia/Baku
Ötən günlərdə həbsdən boyun qaçıran və tərəfdarlarını aksiyaya çağıran Braziliyanın sabiq prezidenti Luis İnasio Lula Da Silva şənbə gecə nəhayət polisə təslim olub.
İRNA-nın məlumatına görə, Da Silva ötən günlərdə yüzlərlə tərəfdarının dəstəyi ilə Sao Paulo şəhərində Fəhlə Birliyinin qərargahına sığınmış və polisə təslim olmaqdan çəkinmişdi.
72 yaşlı Da Silva 2017-ci ilin yayında korrupsiya ittihamı ilə 10 il həbsə məhkum olundu. Yanvar ayında Apelyasiya Məhkəməsi həbs müddətini 12 il bir ay müddətinə uzatdı. Lula Da Silva indiyədək bu ittihamları rədd edib.
