ABŞ-ın İrandan neft idxal edən ölkələr üçün güzəştləri ləğv etməsinin ardınca Britaniyada benzin və dizel yanacağının qiyməti bahalaşıb.

İRNA-nın məlumatına görə, bazar ertəsi günü Britaniyada hər litr benzinin qiyməti 8 pens bahalaşaraq, 1 funt 36 pensə çatıb. Hər litr dizel yanacağının qiyməti də 5 pens bahalaşaraq, 1 funt 39 pensə çatıb. 

RAS avtomobil xidmətləri şirkətinin sözçüsü Saymon Uilyamz bu barədə deyir: Avtomobilin benzin çəninin doldurulması orta hesabla 6 funt bahalaşıb. 

Britaniyalı analitiklər bu gedişlə benzin və dizel yanacağının qiymətlərinin 2 funta çatacağından nigaranlıq ediblər.