Rusiya XİN:
Fələstin və Sionist rejim liderləri arasında Moskvada görüş ola bilər
Rusiya Fələstin Prezidenti Mahmud Abbas və İsrail Baş naziri Benyamin Netanyahu arasında Moskvada görüş təşkil etməyə hazırdır.
SəhərAzəri-nin TASS-a istinadən verdiyi xəbərə görə, bu barədə Rusiya Prezidentinin Yaxın Şərq və Afrika ölkələri üzrə xüsusi nümayəndəsi, Xarici İşlər nazirinin müavini Mixayil Boqdanov, Fələstin "Fətah" hərəkatı Mərkəzi Komitəsinin üzvü Hüseyn əl-Şeyx ilə telefon söhbətində deyib.
"Telefon söhbətində Rusiya rəhbərliyinin daha əvvəl də heç bir şərt olmadan Fələstin Prezidenti Mahmud Abbas və İsrailin Baş naziri Benyamin Netanyahunun fərdi görüşünün keçirilməsi ilə bağlı təklifinin aktual olduğu vurğulanıb", - deyə Rusiya XİN-in yaydığı məlumatda qeyd olunub.
Söhbət zamanı "Fətah" nümayəndəsi Fələstin rəhbərliyinin İsrail ilə münasibətlərə dair son qərarları barədə məlumat verib.
Söhbət Fələstin tərəfinin təşəbbüsü ilə baş tutub.
