Çin Xalq Respublikasının Xarici İşlər Nazirliyi Sincan-Uyğur Muxtar Vilayətindəki vəziyyətlə əlaqədar ABŞ və Kanadadan olan bir neçə fiziki və hüquqi şəxsə qarşı cavab sanksiyası tətbiq edib.

SəhərAzəri APA-ya istinadən xəbər verir ki, bu barədə Çin Xarici İşlər Nazirliyi məlumat yayıb.

Sanksiya tətbiq olunan şəxslər arasında ABŞ-ın Beynəlxalq Dini Azadlıq Komissiyasının rəhbəri Toni Perkins, Kanada parlamentinin üzvü Maykl Çonk da var.

Çin XİN bildirib ki, bu sanksiyalar ABŞ və Kanadanın martın 22-də tətbiq etdiyi birtərəfli sanksiyalara cavabdır.