Moskva ABŞ-ın müdaxiləsinə cavab verdi
İki ABŞ konqresmeni tərəfindən irəli sürülmüş layihə rus rəsmilərin geniş reaksiyaları ilə qarşılaşıb.
SəhərAzəri-nin məlumatına əsasən, qeyd olunan layihədə deyilir ki, əgər Vladimir Putin 2024-cü il Rusiya prezident seçkilərində qalib gələrsə, o, Rusiya prezidenti kimi tanınmasın.
Kremlin sözçüsü Dmitri Peskov bununla bağlı belə mövqe bildirib: Bu layihə bir daha dünyaya göstərir ki, Amerika rəsmi şəkildə başqa ölkələrin daxili işlərinə qarışır.
Duma-nın sədri Vyaçeslav Volodinin reaksiyası da belə olub: Vladimir Putinin 2024-cü il Rusiya prezident seçkilərində qalib gəlməsinin rəsmən tanınmasına dair ABŞ konqresinə təqdim olunan layihə Rusiya xalqının 2018-ci il prezident seçkilərində Putinin xeyrinə olan düzgün seçimindən xəbər verir.
Rusiya Xarici İşlər Nazirlyinin sözçüsü Mariya Zaxarova isə belə münasibət bildirib: Rusiya başqa ölkələrin seçkilərinin dəyərləndirilməsi barədə dəqiq meyarlara malikdir, amma bəzi ölkələrin seçki nəticələrinin rəsmən tanınmaması üzrə layihələr Amerikaya xasdır.
