Rusiya Xarici İşlər Nazirliyi sərhədləri yaxınlığında ABŞ və Estoniyanın birgə təlimləri barədə xəbərdarlıq edib və onu təxribat xarakterli fəaliyyət kimi dəyərləndirib.

SəhərAzəri-nin məlumatına əsasən, Rusiya Xarici İşlər Nazirliyinin sözçüsü Mariya Zaxarova ABŞ-Estoniya təlimini Moskvanın xəbərdarlığına məhəl qoymamaq adlandırıb və bunu ABŞ və onun müttəfiqlərinin Rusiyaya qarşı təxribat xarakterli hərəkətlərinin nümunəsi adlandırıb.

O, əlavə edib: "ABŞ və Estoniya arasında hərbi sazişin imzalanmasından bir neçə gün sonra keçirilən bu təlim NATO-nun Rusiya sərhədləri yaxınlığında süni şəkildə gərginlik yaratmaq niyyətini təsdiqləyir".

Rusiya Xarici İşlər Nazirliyinin sözçüsü sözlərinin davamında vurğulayıb: "NATO Rusiyanı qeyri-şəffaf hərəkətlər və aqressiv davranışda ittiham edir, amma özü Estoniyada hərbi təlimlər keçirir, İndi mən bilmək istərdim ki, NATO-nun baş katibi bu cür hərəkətləri necə şəffaf, proqnozlaşdırıla bilən və qeyri-aqressiv hesab edir?".