Zelenski bir daha qərbi yalançılıqda ittiham edib
Ukrayna Prezidenti Volodimir Zelenski martın 8-də feysbuk səhifəsinə etdiyi videomüraciətində qərb dövlətlərinin vədlərinin boş olmasına eyham vurub.
SəhərAzəri-nin məlumatına əsasən, Volodimir Zelenski deyib: 13 gündür biz yalnız vədlər eşidirik və 13 gündür deyirlər ki, indilərdə havadan yardım edəcəyik, təyyarələr olacaq.
Zelenski Ukraynaya hava hücumları nəticəsində insan tələfatına görə Rusiya ilə bərabər qərb dövlətlərinin də məsuliyyət daşıdığını deyib: “Ukraynada aviazərbələr nəticəsində həlak olanlara görə məsuliyyəti Rusiya daşıyır. Qərbdə kabinetlərdə oturub Ukrayna səmasının təhlükəsizliyi ilə bağlı qərar verməyənlər də məsuliyyət daşıyırlar”,- deyə Ukrayna prezidenti bildirib.
Zelenski düşdüyü çətin durumdan qurtarmaq üçün bütün dünya ölkələrinin Rusiyanı durdurmağa təşəbbüs göstərməli olduqlarını bildirib və əks təqdirdə bütün dünyaya müraciət edəcəyi ilə hədələyib.
Ukrayna prezidenti deyib: “Müharibə bitməlidir, biz danışıqlar masası arxasına əyləşməliyik.”
Qeyd edək ki, Rusiya və Ukrayna daha əvvəl üç raund danışıqlar aparıb ancaq bu danışıqlar müharibənin bitməsinə gətirib çıxaracaq hansısa razılaşma ilə nəticələnməyib.
